Norðuri í Nakkinun á Kunoynni, liggur eitt fitilendi, ið eitur Skarðstør; Navarin og Konan standa vakt hvørjum meðna við, -Navarin í eystaru síðu, og Konan í vestaru. Hyggur tú beint út frá Skarðstør, sær tú bygdina Viðareiði. Lendið hevur ligið órørt síðani 1991, tá menn eisini høvdu veðrar í. Hesir vóru Hans Pauli Purkhús, Jógvan Pauli í Kongstovu, Hans Jacobsen, og Jógvan Mørkøre. Tá høvdu teir 4 veðrar í, og vigaðu teir 70 pund, 64 pund, 58 pund, og 56 pund; tann størsti uppá 70 pund datt oman í rakstrinun 15/9-1991, tíanverri, og er mynd av honum at síggja á heystlambssíðuni, tikin meðan Jógvan Pauli flettir hann. Soleiðis eru treytirnar. Tá man arbeiðir fitilendir, er ikki trygd fyri nøkrum.

Á fundi 6. Oktobur 1990, bleiv samtykt, at seta felag á stovn, ið skuldi eita "Bjargaseyð at Fanga". Hesir menn vóru: Hans Pauli Purkhús, Hans Jacobsen, Jógvan Pauli í Kongstovu, Jákub Jacobsen. Nøvnini ganga aftur í nógvum høpun her í norðoyggjum, -bæði innan vinnimál, fiskiskap, og seyð. T.d. hevur Jákub Jacobsen røkta á Skarði fyri Innan síðani 1981…

Síðani hetta felagið bleiv sett á stovn er nógv hent. Nógv fjøll eru gingin, fleiri illgongdar rásir gjørdar høgligari, og enntá okkurt fitilendið tikið.

Síðsta stóra hending er so aftur í Skarðstør; útskiftingin legði avbygdamenn á Skarð fyri Uttan, og spældu vit tá av við lendið. Men av tí at ongin arbeiddi Skarðstør, bjóðaði Jógvan hjá Pejla okkum lendið. Vit skrivaðu sáttmála fyri 4 ár, og byrjaðu vit beinanvegin. Ongin hagi hevur ráð at hava so stórt øki liggjandi fyri onki. Tað skal tó nevnast, at onkur hevur roynt at seta seyð upp, men tað hevur miseydnast; hví veit eg ikki.

26 apríl 1998, klokkan 08:45, stóðu vit so á kajini í Haraldsundi. Væl mannaðir. HansPauli, Jaspur Kruse, Jákub, Pól Niclái, Andras hjá Oyrabakka, og eg. Vit høvdu 8 seyðir við okkum: 6 heystlomb, og 2 ær.

1 heystlamb, 96 pund, Jaspur Kruse.

1 heystlamb, 100 pund, Rasmus og Hans Pauli.

1 heystlamb, 98 pund, Hans Pauli.

1 heystlamb, 118 pund, Rasmus.

1 heystlamb, 94 pund, Jákub.

1 heystlamb, 90 pund, Andras.

2 ær, báðar komu inn dagin fyri á Skarði fyri Innan, aðra átti Dia Reyðberg, og hina átti Atli Wilhelm. Hesar ær høvdu ferðast langt, -"uttan ferðaseðil", og nú vóru menn móðir av teimum. Vit fingu báðar forerandi, við tí treyt, at tær ikki komu í nakran haga aftur. Tær vóru illa fyri. Tað var komi undan hjá aðrari, men so líti, at onki kundi sigast við vissu; hon kundi tað sama longu hava kasta burtur. Klokkan 09:00 løgdu vit so frá landi við 5-mannafarinun hjá okkum. Sum enn er ónavngivin, -hóast fleiri uppskot eru frammi, -m.a. Kósaklettur, Skarðstør, Navarúlvur, Konibrotið, Hvannrókshamarin, o.s.fr…. Tað var avbera gott veður, og teir 4 hestarnir tóku okkum hóvliga norð gjøgnum Haraldsund. Báturin, -lat okkum bara kalla hann "Konibrotið", -fleyt lættur og tættur, hóast byrðan var tung: 8 seyðir, og 6 mans. ------------------------------------- (14/5-98 bleiv báturin navngivin: Navarsúlvur)

Flóðin var høg hendan sunnumorgunin. Norðuri móti Navarinun sóu vit ein lítlan kóp. Svartfuglur var ongin at síggja. Sýni var skart. Alt stóð so klokkureint fyri okkum.

Myndatøkuúrmælingurin Pól Niclái, avmyndaði dagin, bæði við livandi og deyðum myndum. Tað bragdliga 5-mannafari Navarsúlvur, gjørdi alt so lætt fyri okkum; ella kanska var tað dugnaligi skiparin hjá okkum Andras? Alt gekk uppá stás. Myndamaðurin leyp upp sum tann fyrsti, og tók so upp hvat hendi. Sjálvskrivaði formaðurin Hans Pauli samskipaði alt við hepni. Seyðurin bleiv tikin í land, og skjátturnar hjá okkum við. Síðani fóru vit undir fyrsta ordiliga takið: at fáa seyðin niðan frá sjónum. Arbeiði kann setast upp í 4 stig: 1- at fáa seyðin úr bátinun. 2- at fáa seyðin niðan undir bergið. 3- at fáa seyðin upp á bergið.4- at leiða seyðin niðan á oynna. Tað tungasta takið man verða at draga seyðin upp á bergið: hæddin er uml. 30 metrar, og dragast má við hond. Eitt heystlamb uppá 100 pund tikist tungt, tá tað hongur fyri endanun á eini líni, -og skal 30 metrar upp…

---Báturin sæst mitt í myndini.

Í dag, 3/5-98, vóru vit ein stimitúr runt Nakkin; vit sóu allan seyðin, -og eitt lamb afturat... Tann eina ærin hevði lembt. Eitt hvítt, høvuðssvart lamb. Tá var lag á monnum. Longu nú var broyting at síggja á gróðrinun; alt grønkast. Várið kemur við stormfetum!!!

----------------------Lopið, ið sæst úr Viðareiði. --------------------- ---------Á veg niðuraftur.

Gerðamenn vóru kunnigir á Skarði; av tí stóra mannfallinun ið var á eystaru síðu á Kunoynni, høvdu gerðamenn stóran áhuga í bygdini. So hvørt sum skarðsmenn fórust, tóku gerðamenn við. Tann dag í dag síggjast gerðamenn á fjalli á Skarði. Undrunarvert tó, at ongin gerðamaður giftist til Skarðs, men bara tóku seyð til jørðuna. Sóust gerðamenn koma eftir bakka, tá vóru tað "forrætningsørindi", ið lógu teimun í huga. Men komu teir í báti, so var tað eftir jólamati og líknandi. Teirra egna lá ikki so væl á góma um høgtíðsleiti; gerðakjøt hevur aldri verði tiltikið. Stígur kom í hesa skipan, tá Pól av Toftanesi úr Leirvík, giftist til Skarðs í árinun 1798; tá vóru einans 3 húsarhald í bygdini, og fátækradømi var stórt. Tá hevði okkurt festið á Skarði verði í ogn gerðabóndans í 4 ættarlið. Seyðaskipanin var so út av lagi vánalig, at bara vargur var í haga. Pól av Toftanesi gav bygdini rygg aftur og fekk við tíðini alt upp á fót. Skarðsbygd var komin fyri seg í 1913, tá Skarðsbáturin gekk burtur við øllum arbeiðsførum monnum úr bygdini. Hetta toldi bygdin ikki, og í 1919 blei øskukalt á Skarði.

Allar myndir eru tiknar av Pól Nicláa Steinberg og Rasmus S. Jacobsen.

27/7-98 mannaðu vit okkum so; hetta arbeiði mátti gerast aðrenn Hans Pauli fór aftur til Íslands. Við vóru: áðurnevndi, Jógvan Mørkøre, Jaspur Kruse, Immi Dam, og ein sonur Imma og ein svigarsonur. Teir 3 síðstnevndu komu við fyri túrin skyld. Jaspur skuldi føra. Men sum sæst á myndunum, so kundi Immi ikki halda sær, -hann mátti upp at hyggja eisini. Og tað skyldst! Vit fóru úr Kunoy við Navarsúlvinun klokkan 14:00, og var veðri avbera gott. Ætlanin var at sláa umleið 20 stikir niður uppi í Skarðstør, og fáa eitt hegnrull upp at liggja eisini, klárt at nýta. Tað var tungt at bera stikirnar niðan; ringt er at ganga við 5 vattndruknaðum stikum á herðunum. Tíanverri misti eg eitt bunti við 7 stikum útav, og allar fóru í smyldur. Sostatt fingu vit bert 13 hegnpelar niðan, men tað skuldi verði nokk. Nú er so tøkugerði klárt at seta upp. Hegnið verður flætta niður á pelarnar, og so er klárt. Aftaná lokið arbeiði, gingu vit eystur í tað eystasta av Skarðstør. Her liggja enn jarnstengir og kongar, frá tí tíðini tá menn sum jens Jul Sólbjørg, og Jóhan Purkhús, arbeiddu Skarðstør.

Endiliga upprann so stóri dagurin. Eitt hæddarpunkt, ið vit høvdu glett okkum til leingi! Menn søktu Skarðstør... Dagfestingin var 21/9-98, og allir vóru øgiliga uppsettir. Í síðstu løtu var onkur sum meldaði frá vegna skipsboð, men vit mettu okkum væl mannaðir allíkavæl. 10 Seyðir skuldu takast, og vit vóru 5 mans sum skuldu taka teir. Klokkan 08:15 løgdu vit frá landi, við kós móti Skarðstør. Veðri var av tí allarbesta. Jens Jul og Vitin skuldu koma seinni. Men tá vit vóru undir Móisdali sóu vit ein maskinbát koma yvir fjørðin frá Kallsoynni. Hettar var Jens Jul; hann var so spentur, at hann kundi ikki bíða... Onki orð bleiv tala tá Vitin møtti Navarsúlvi, men ein endi bleiv tveittur av Vitanun, so ferðin kundi økjast eitt sindur. Jens Jul sleipaði okkum heilt til Skarðstør, og vunnu vit eini 20 minuttir á hendan hátt. Vattnrættan ælaboga sóu vit... Tað høvdu menn á orðið: hetta høvdu teir ikki sæð fyrr. Heldur ikki teir ið hava verið á sjónum tað mesta av lívi sínum. Ælabogin stóð ikki sum eitt umvent "U", men lá niðri. So var at fáa alt viðføri upp; línir, skjáttir, o.s.frv. Á helluni skipaðu vit okkum og viðføri, so bert tað neyðuga kom við upp.

Og so koma vit til vektirnar. Ári bleiv gott hjá okkum! Av 8 veðrum vigaðu bert 3 undir 70 pund. 70.5 uppá stykki...

--Seyður. -------Vekt á bási. -------Vekt tá útsett. -------vekt livandi áðrenn slakt. -------Vekt flett.-------%

-Heystlamb ------- --87 pund ----------- ----100 pund --------------- -------- 68 kilo --- ----------- -------68 pund ---------50

-Heystlamb --------- 86 pund ---------------118 pund ------------------------ 78 kilo -----------------------73 pund --------46.79

-Heystlamb ----------51 pund ---------------- 98 pund ------------------------67.5 kilo ---------------------62 pund --------45.92

-Heystlamb ---------- ?------------------------96 pund ------------------------72 --kilo ---------------------70 pund --------48.61

-Heystlamb ---------- ? -----------------------90 pund ------------------------78 --kilo ---------------------76 pund --------48.71

-Heystlamb ----------? ------------------------94 pund ------------------------77.5 kilo ---------------------74 pund --------47.74

Ær dimm morreyð, Atli --------------------------?------------------------------102 pund ---------------------50 pund ------- 49.01

lambið --------------------------------------------------------------------------80 -pund ---------------------39 pund --------48.75

Ær ljóst morreyð, Dia ----------------------------------------------------------104 pund ----------------------44 pund --------45.76

lambið---------------------------------------------------------------------------65 pund ----------------------31 pund --------47.69

Hesir veðrar vóru uppsettir:

Hans Pauli: svartur ------106 p, og hvítur/blikutur 80 p.

Pól Niclái: morreyður ---90 p

Leon ---: -høvuðssvartur 90 p.

Jaspur -: -svartur --------86 p

Rasmus: -kenningslamb -106 p, morreyður brundur 84 p.

Jógvan :- hvítt -----------92 p.

Hans -- : svart ----------92 p.

Útistova: svart ----------118 p.

Jákup -: hvítur ----------84 p

-Gongið var gott, og tað gekk skjótt at taka seg niðan. -Teir flestu høvdu lagt jakkarnar frá sær.

--.Vestari endi av ovaru rókunum í Skarðstør.

-Regin smírist vælnøgdur, meðan Jákup og jógvan reypa. -Jógvan komin í ódnina.

-Veðrarnir daga upp í luftina, og Viðoyggjin í baksýni. -Teir vóru tungir at beina.

- Konan í baksýni meðan menn handla. -Á veg oman.

Tað vóru 11 seyðir í Skarðstør í byrjanini, men ein fall frá. Sostatt skuldu vit hava 10 veðrar heim hendan dagin. Poul Niclái hevði videoupptøkutólið við, og fekk hann sum vanligt ein avbera góðan film burturúr. Væl afturkomnir møttist allir uppi á Keldu í Bóndastovu, og hugdu eftir filminun. Menn vóru glaðir fyri úrsliti. Kvøldið eftir vóru allir veðrarnir flettir, og vektirnar eru:

Regin -------------82 pund

Hans Pauli 76 og 61 pund

Rasmus ---74 og 70 pund

Andreas---------67 pund

Jógvan ----------66 pund

Poul Niclái ---66 pund

Jákup -----------64 pund

Jaspur ----------58 pund.

Tilsamans bleiv kjøtvektin uppá hesar 10 seyðir 684 pund. Tað gevir tilsamans 68,4 uppá stykkið.

Sett upp eftir vekt..

-------------------------------------------------tiknir---------------flettir

• 1 Andreas hjá Hans, heystlamb, 70 pund livandi vekt--------------------------------------Doyði, datt oman.
• 2 Jákup Jacobsen , heystlamb, 80 pund livandi vekt-------------132 pund-----------------60 pund flettur
• 3 Rasmus Jacobsen, heystlamb, 82 pund livandi vekt------------123 pund-----------------58 pund flettur
• 4 Hans Pauli Purkhús, heystlamb, 91 pund livandi vekt-------- --140 pund ----------------68 pund flettur
• 5 Jógvan Mørkøre, heystlamb 92 pund livandi vekt--------------134 pund-----------------64 pund flettur
• 6 Tummas av Viðareiði, heystlamb, 95 pund livandi vekt --------140 pund-----------------74 pund flettur-
• 7 Jákup Jacobsen, heystlamb, 100 pund livandi vekt-------------150 pund-----------------70 pund flettur
• 8 Kári Purkhús, heystlamb, 100 pund livandi vekt--------------- 152 pund----------------- 68 pund flettur
• 9 Rasmus Jacobsen, heystlamb, 102 pund livandi vekt-----------143 pund------------------70 pund flettur
• 10 Djóni Kunoy, brundur, 118 pund livandi vekt-----------------180 pund------------------87 pund flettur
• 11 Hans Pauli Purkhús, heystlamb, 124 pund livandi vekt------------------------------------doyði, fekk grót á seg.
• 12 Djóni Kunoy, brundur, 134 pund livandi vekt------------------178 pund-----------------90 pund flettur
• 13 Jaspur Kruse, ær, bleiv ikki vigað-----------------------------111 pund------------------54 pund flett

-----------------------------------------------------------------------------------------------------------------------------

---------------------------------------------------------------------------1583-----------/---------- 763= 48.19%

(copyright er á øllum myndum á hesari síðu. BAF)